‘स्वारातीम’ विद्यापीठामध्ये महात्मा ज्योतिबा फुले यांची जयंती साजरी

नांदेड : स्वामी रामानंद तीर्थ मराठवाडा विद्यापीठातील स्वागत कक्षामध्ये दि ११ एप्रिल रोजी महात्मा ज्योतिबा फुले यांची जयंती साजरी करण्यात आली. विद्यापीठाचे कुलगुरू डॉ मनोहर चासकर यांनी महात्मा ज्योतिबा फुले यांच्या प्रतिमेस पुष्पहार अर्पण करून अभिवादन केले.

यावेळी विद्यापीठातील विद्यार्थी विकास विभागाचे संचालक डॉ सूर्यप्रकाश जाधव, अधिसभा सदस्य शिवाजी चांदणे, शिवराम लुटे, उद्धव हंबर्डे, गणपत लुटे, बंडू कांबळे, जालिंदर गायकवाड, नारायण गोरे, संदिप लुटे, रामदास खोकले, बबन हिंगे, विश्वनाथ हनवते यांच्यासह विद्यापीठातील शिक्षक, अधिकारी व कर्मचारी यांनी महात्मा ज्योतिबा फुले यांच्या प्रतिमेस पुष्प अर्पण करून अभिवादन केले. कार्यक्रमाची सांगता राष्ट्रगीताने करण्यात आली.