सीताबाई नरगुंदकर नर्सिंग महिला महाविद्यालयात सतत व्यावसायिक विकास CPD संपन्न
नागपूर : महर्षी कर्वे स्त्री शिक्षण संस्थेच्या सीताबाई नरगुंदकर नर्सिंग महिला महाविद्यालय, नागपूर आणि महाराष्ट्र नर्सिंग कौन्सिल यांच्या संयुक्त विद्यमाने दिनांक १३ जानेवारी २०२६ रोजी सतत व्यावसायिक विकास (CPD) कार्यक्रम यशस्वीरित्या आयोजित करण्यात आला. “व्यावसायिक सक्षमीकरण: सेवाभावी हातांद्वारे उत्कृष्टतेला प्रेरणा” ही या कार्यक्रमाची संकल्पना होती.
या CPD कार्यक्रमाचा मुख्य उद्देश परिचारिकांची नैदानिक क्षमता, नेतृत्वगुण, नैतिक आचरण आणि करुणामय काळजी अधिक सक्षम करणे हा होता. वैज्ञानिक ज्ञान आणि मानवी मूल्यांचा समन्वय साधून सुरक्षित, सर्वांगीण व दर्जेदार आरोग्यसेवा देण्यात परिचारिकांची भूमिका किती महत्त्वाची आहे, यावर विशेष भर देण्यात आला.
उद्घाटन सत्रात नर्सिंग क्षेत्रातील निरंतर शिक्षणाचे महत्त्व अधोरेखित करण्यात आले. तज्ज्ञ मार्गदर्शकांनी पुढील विषयांवर सखोल मार्गदर्शन केले —
- नर्सिंग शिक्षण व व्यावसायिक विकास
- नैदानिक उत्कृष्टता व गुणवत्तापूर्ण काळजी
- कौशल्यविकास व नावीन्य
- प्रभावी संवाद व मानवी मूल्ये
- करिअर विकास व संशोधन
- समुदाय व सामाजिक जबाबदारी
या CPD कार्यक्रमाला सहभागी परिचारिकांकडून उत्स्फूर्त प्रतिसाद लाभला. समारोप सत्रात कार्यक्रमाची यशस्वी सांगता झाली, ज्यामुळे संस्थेची व्यावसायिक प्रगती, नैतिक मूल्ये आणि नर्सिंग कार्यातील उत्कृष्टतेप्रती असलेली बांधिलकी अधिक दृढ झाली.
हा कार्यक्रम प्राचार्या डॉ. रूपा वर्मा यांच्या मार्गदर्शनाखाली, सहयोगी प्राध्यापिका श्रीमती रमा दानापुरे यांच्या आयोजन समन्वयकत्वाखाली यशस्वीरीत्या पार पडला. श्रीमती वैशाली तायडे यांच्या मार्गदर्शन व उपस्थितीमुळे कार्यक्रमाच्या शैक्षणिक व व्यावसायिक दर्जाला विशेष महत्त्व प्राप्त झाले.
