‘स्वारातीम’ विद्यापीठातील जैवशास्त्र संकुलामध्ये प्रवेश पूर्व परीक्षेचे आयोजन
नांदेड : स्वामी रामानंद तीर्थ मराठवाडा विद्यापीठातील जैवशास्त्र संकुलामध्ये चालणाऱ्या एम एस्सी बायोटेक्नॉलॉजी, एम एस्सी मायक्रोबायोलॉजी, एम एस्सी बॉटनी, एम एस्सी झूलॉजी आणि पीजीडीएमएलटी या अभ्यासक्रमाच्या प्रवेशासाठी शैक्षणिक वर्ष २०२४-२५ करिता प्रवेश पूर्व (सीईटी) परिक्षचे आयोजन दि १८ व १९ मे दरम्यान करण्यात आले आहे. या करिता प्रवेश पूर्व परिक्षेचे अर्ज जैवशास्त्र संकुलामध्ये स्वीकारणे चालू आहे.
या पूर्व परीक्षेसाठी बी एस्सी तृतीय वर्षाची परीक्षा दिलेले (अॅपियर) विद्यार्थी तसेच बी एस्सी उत्तीर्ण विद्यार्थी पात्र ठरणार आहेत. प्रवेश पूर्व परीक्षा झाल्यानंतर निकाल व यासंबंधीत इतर सूचना या विद्यापीठाच्या संकेतस्थळावर प्रकाशित केल्या जातील.
अधिक माहितीसाठी विद्यापीठाच्या www.srtmun.ac.in या संकेतस्थळावर व जैवशास्त्र संकुलाच्या कार्यालयामध्ये संपर्क साधावा, या अभ्यासक्रमासाठी जास्तीत जास्त विद्यार्थ्यांनी प्रवेश पूर्व परिक्षेसाठी अर्ज करावेत, असे आवाहन जैवशास्त्र संकुलाचे संचालक डॉ शिवाजी चव्हाण यांनी केले आहे.
