राजीव गांधी कनिष्ठ महाविद्यालयात जागतिक चिमणी दिवस साजरा; पर्यावरण संवर्धनासाठी विद्यार्थ्यांचे सक्रिय योगदान
घोडेगाव : सद्गुरु जनेश्वर माध्यमिक विद्यालय आणि राजीव गांधी कनिष्ठ महाविद्यालय (हरित सेना विभाग आणि राष्ट्रीय सेवा योजना) घोडेगाव यांनी वनपरिक्षेत्र अधिकारी, सामाजिक वनीकरण परिक्षेत्र, खुलताबाद यांच्या सहकार्याने जागतिक चिमणी दिवस साजरा केला.
चिमण्यांच्या संवर्धनासाठी विद्यार्थ्यांनी चारा आणि पाण्याची व्यवस्था निर्माण केली. विद्यार्थ्यांनी चिमण्यांसाठी चाऱ्याच्या आणि पाण्याच्या विविध उपाययोजना केल्या, ज्यामुळे पर्यावरण संरक्षणाचे महत्त्व विद्यार्थ्यांमध्ये जागरूक करण्यात आले.
कार्यक्रमाच्या प्रेरणास्थान म्हणून संस्थापक अध्यक्ष साईनाथ पाटील जाधव यांचा मोठा सहभाग होता. या कार्यक्रमाचे आयोजन तागड साहेब, सामाजिक वनीकरण अधिकारी, खुलताबाद यांच्या मार्गदर्शनाखाली करण्यात आले. शाळेचे प्राचार्य डॉ घुगे सर, मुख्याध्यापक खैरनार सर, हरित सेना प्रमुख जिते सर, गोमलाडू सर, प्रा डॉ गायके सर, कासार सर, जाधव मॅडम आणि श्रीखंडे यांचे सहकार्य होते.
यावेळी तागड साहेब यांनी चिमण्यांच्या पर्यावरण संरक्षणात महत्त्वपूर्ण भूमिका आणि मानवी जीवनातील त्यांचा स्थान यावर विद्यार्थ्यांना मार्गदर्शन केले. विद्यार्थ्यांनी चारा आणि पाणी ठेवण्यासाठी फॉगर्स लावले, ज्यामुळे चिमण्यांसाठी जीवनदायिनी साधने उपलब्ध होणार आहेत.
या कार्यक्रमाद्वारे विद्यार्थ्यांना पर्यावरणाबद्दल जागरूकता प्राप्त झाली आणि त्यांचे चिमण्यांच्या संवर्धनात योगदान देण्याचे महत्त्व समजले.
