जी एच रायसोनी अभियांत्रिकी महाविद्यालयात फ्युचरिस्टिक रोबोटिक्स अॅप्लिकेशन्सवर दोन दिवशीय राष्ट्रीय कार्यशाळा संपन्न

औद्योगिक रोबोटिक्स डिझाइन करण्यासाठी कंट्रोलर महत्त्वाचा पुष्पक जगताप यांचे मत

पुणे : आजच्या रोबोटिक्स उद्योगाला स्मार्ट, एआय-चालित नियंत्रकांची (कंट्रोलर) आवश्यकता आहे, जे संशोधन आणि नवोपक्रमासाठी अनुकूलन करू शकतात, शिकू शकतात आणि निर्णय घेऊ शकतात. आधुनिक रोबोटिक्सच्या उत्क्रांतीमध्ये नियंत्रकांची (कंट्रोलर) महत्त्वाची भूमिका आहे, असे प्रतिपादन भारतीय विज्ञान संस्थान (आईआईएससी), बैंगलोरच्या सेंटर फॉर साइबर-फिजिकल सिस्टम्स (सीसीपीएस) एसोसिएट फैकल्टी व एयरोस्पेस इंजीनियरिंग विभागाचे सहायक प्राध्यापक पुष्पक जगताप यांनी केले.

जी एच रायसोनी कॉलेज ऑफ इंजिनिअरिंग अँड मॅनेजमेंट, पुणे यांनी अनुसंधान कार्यशाळा मालिके अंतर्गत “फ्युचरिस्टिक रोबोटिक्स अॅप्लिकेशन्ससाठी कंट्रोलर डिझाइन स्ट्रॅटेजीज” या विषयावर दोन दिवसांची राष्ट्रीय कार्यशाळेत प्रमुख पाहुणे म्हणून ते बोलत होते. हा कार्यक्रम औद्योगिक रोबोटिक्समध्ये कृत्रिम बुद्धिमत्ता, मशीन लर्निंग आणि प्रगत नियंत्रण प्रणालींच्या आंतरविद्याशाखीय एकत्रीकरणावर केंद्रित होता.

कार्यशाळेचे उद्घाटन प्रमुख पाहुणे डॉ. पुष्पक जगताप, रायसोनी पुणेचे कॅम्पस डायरेक्टर डॉ आर डी खराडकर,डॉ. अमोल भोई, डॉ.वैभव हेंद्रे, डॉ. एन. बी. हुल्ले,डॉ. एन. यू. कोराडे आणि डॉ. संदीप हनवटे यांच्या उपस्थितीत करण्यात आले. या कार्यशाळेत महाराष्ट्रातील ४१ विद्यार्थ्याने सहभाग घेतला होता.

प्रमुख पाहुणे डॉ. पुष्पक जगताप यांनी सांगितले, की आरोग्यसेवा, ऑटोमेशन आणि उत्पादन यासारख्या क्षेत्रांमध्ये रोबोटिक्सचा प्रभाव वाढत आहे.सध्या जगभरात ६ लाखांहून अधिक रोबोट बसवले आहेत आणि भारतात त्यांचा वार्षिक विकासदर २५% आहे. जटिल वातावरणात रोबोट अखंडपणे काम करू शकतील असे बुद्धिमान नियंत्रकविकसित करणे हे आव्हान आहे.

कॅम्पस डायरेक्टर डॉ. आर. डी. खराडकर यांनी सांगितले, की नियंत्रक हे रोबोटिक बुद्धिमत्ता आणि अचूकतेच्या केंद्रस्थानी आहेत. औद्योगिक रोबोटिक्सच्या प्रगतीसाठी नियंत्रक डिझाइन महत्त्वपूर्ण आहे. ते त्रुटी कमी करणे, रिअल-टाइम प्रतिसाद आणि सिस्टम स्थिरता सुनिश्चित करते. ही कार्यशाळा रायसोनीच्या अनुसंधान कार्यशाळेच्या मालिकेतील तिसरी आहे, जी कॅम्पसमध्ये संशोधनाच्या मजबूत संस्कृतीला प्रोत्साहन देते.

भारतीय प्रौद्योगिकी संस्थान, रुड़कीच्या इलेक्ट्रिकल इंजीनियरिंग विभागाचे, प्राध्यापक डॉ. योगेश होते, सीओईपी तंत्रज्ञान विद्यापीठ, पुणेच्या इंस्ट्रूमेंटेशन और कंट्रोल विभागाचे एसोसिएट प्रोफेसर और रजिस्ट्रार (अतिरिक्त प्रभार), डॉ. डी. एन. सोनवाने, सीओईपी तंत्रज्ञान विद्यापीठ, पुणेच्या रोबोटिक्स और ऑटोमेशन, मैकेनिकल इंजीनियरिंग विभागाचे एसोसिएट प्राध्यापक सी डॉ. एस. एस. ओहोल, सीओईपी विद्यापीठातील सहाय्यक प्राध्यापक डॉ. गिरीश लखेकर, आणि जेपी माहिती आणि तंत्रज्ञान विद्यापीठ, वाकनाघाट, सोलनच्या इलेक्ट्रॉनिक्स और टेलिकम्युनिकेशन इंजीनियरिंग विभागाचे सहाय्यक प्राध्यापक डॉ. निशांत जैन यांनी यावेळी विद्यार्थ्यांना मार्गदशन केले.

वक्त्यांनी या दोन दिवसांच्या कार्यशाळेत पॉड नियंत्रकांवर तज्ञांच्या नेतृत्वाखालील सत्रे, नियंत्रक विकासात एआय आणि एमएलची भूमिका आणि वास्तविक-जगातील केस स्टडीज यांचा समावेश होता. यामुळे विद्यार्थी, संशोधक आणि प्राध्यापकांना मौल्यवान अनुभव मिळाला, ज्यामुळे अत्याधुनिक तंत्रज्ञान शिक्षणाचे केंद्र म्हणून रायसोनीची भूमिका बळकट झाली.

रायसोनी एज्युकेशनचे अध्यक्ष सुनील रायसोनी, रायसोनी एज्युकेशनचे कार्यकारी संचालक श्रेयस रायसोनी आणि रायसोनी पुणे येथील कॅम्पस डायरेक्टर डॉ. आर. डी. खराडकर यांनी सहभागींचे अभिनंदन केले.