रायसोनी स्किल टेक युनिव्हर्सिटीत एआय टूल्स या विषयावर कार्यशाळा संपन्न
एआय टूल्स भविष्याचे मार्गदर्शन करतील – लक्झेंबर्ग विद्यापीठाचे संशोधक शुभम सुमन यांचे मत
पुणे : क्लासिकल मशीन लर्निंग (एमएल) ही एक पारंपारिक पद्धत आहे जिथे डेटा मध्यवर्तीपणे गोळा केला जातो आणि प्रेडिक्टिव मॉडेल्स तयार करण्यासाठी अल्गोरिदम वापरून प्रक्रिया केली जाते. ही पद्धत प्रभावी असली तरी, डेटा गोपनीयतेबद्दल चिंता निर्माण करते, विशेषतः संवेदनशील माहिती हाताळताना. याउलट, फेडरेटेड लर्निंग (एफएल) ही एक उदयोन्मुख प्रतिमान आहे जी मशीन लर्निंग मॉडेल्सना विकेंद्रित डिव्हाइसेस किंवा सर्व्हरवर स्थानिक डेटा नमुने धारण करून त्यांची देवाणघेवाण न करता प्रशिक्षित करण्याचे कार्य करते. ही प्रक्रिया डेटा गोपनीयता आणि सुरक्षितता वाढविते आणि आधुनिक मॉडेल्सचा विकास करते. भविष्यात एफएलद्वारा निर्मित एआय मॉडेल्स मार्गदर्शन ठरतील, असे मत लक्झेंबर्ग विद्यापीठाचे युवा संशोधक शुभम सुमन यांनी व्यक्त केले.
पुणे येथील जी एच रायसोनी इंटरनॅशनल स्किल टेक युनिव्हर्सिटी आणि ड्रोन डेव्हलपमेंट क्लबने याद्वारे “क्लासिकल मशीन लर्निंग (एमएल) विरुद्ध फेडरेटेड लर्निंग (एफएल) आणि फ्युचर डायरेक्शन्स विथ एआय टूल्स” या विषयावरील ऑनलाईन कार्यशाळेत प्रमुख पाहुणे म्हणून ते बोलत होते. यावेळी विद्यापीठाचे कुलगुरू डॉ एम यू खरात, कुलसचिव डॉ जितेंद्र कुमार मिश्रा, आणि अभियांत्रिकी विभागाच्या अधिष्ठाता डॉ राहत खान हे उपस्थित होते.
मुख्य वक्ते, लक्झेंबर्ग विद्यापीठाचे संशोधक शुभम सुमन म्हणाले की, फेडरेटेड लर्निंग, सॅटेलाइट कम्युनिकेशन, यूएव्ही (मानव रहित हवाई वाहने) आणि आयओटी (इंटरनेट ऑफ थिंग्ज) या मध्ये गुंतवणुक वाढत आहे. एआय टूल्सच्या भविष्यासाठी तज्ज्ञ प्राध्यापक आणि विद्यार्थ्यांनी एकत्र येऊन कार्य करण्याची गरज आहे.
कुलगुरू डॉ एम यू खरात, म्हणाले, की आरोग्यसेवा, वित्त आणि स्वायत्त वाहने यासारख्या क्षेत्रात एफएलच्या व्यावहारिक प्रयोगांवर सविस्तरपणे विचार केला जात आहे. एआयच्या युगात हे तंत्रज्ञान डेटा व्यवस्थापन आणि विश्लेषणात क्रांती घडवू शकते. एआय टूल्सच्या आव्हानांवर भविष्यातील दिशानिर्देश ठरतील, ज्यामध्ये स्केलेबिलिटी, मॉडेल अचूकता व ब्लॉकचेन आणि एज कॉम्प्युटिंग सारख्या उदयोन्मुख तंत्रज्ञानासह एफएलचे एकत्रीकरण यांचा समावेश असेल.
प्रा अमित कुमार आणि प्रा दशरथ वाघमारे हे कार्यक्रम समन्वयक होते. रायसोनी एज्युकेशनचे अध्यक्ष सुनील रायसोनी, रायसोनी एज्युकेशनचे कार्यकारी संचालक श्रेयश रायसोनी यांनी कार्यशाळा घेतल्याबद्दल आयोजकांचे अभिनंदन केले.
