‘स्वारातीम’ विद्यापीठातील अधिकारी व कर्मचाऱ्यातर्फे कुलगुरू डॉ चासकर यांचा स्वागत सत्कार संपन्न
नांदेड : स्वामी रामानंद तीर्थ मराठवाडा विद्यापीठातील अधिकारी फोरम, कर्मचारी संघ, विद्यापीठ फंड कर्मचारी संघटना आणि रिपब्लिकन एम्प्लॉईज युनियन यांच्या संयुक्त कृती समितीतर्फे नवनियुक्त कुलगुरू डॉ. मनोहर चासकर यांचा स्वागत सत्कार करण्यात आला.
या सत्कारामध्ये कृती समितीतर्फे सादर करण्यात आलेल्या मागण्यांना कुलगुरू यांनी सकारात्मक प्रतिसाद दिला. या विद्यापीठाला आपल्या सर्वांच्या सहकार्याने पुणे विद्यापीठापेक्षाही पुढे नेण्यासाठी आपण प्रयत्न करू असेही ते यावेळी म्हणाले.
याप्रसंगी विद्यापीठाचे कुलसचिव डॉ. शशिकांत ढवळे, वित्त व लेखा अधिकारी डॉ. श्रीकांत अंधारे, जनसंपर्क अधिकारी डॉ. अशोक कदम, काळवा हनवते, शिवराम लुटे, म. शकील अ. करीम, अरुण धाकडे, शिवलिंग पाटील, बालाजी बोगार, संजयसिंह ठाकुर, गोविंद हंबर्डे, तुकाराम हंबर्डे, संदीप एडके, प्रमोद देशमुख, जयकिशन बगडी, प्रकाश पवार, विजय हंबर्डे, प्रदीप बिडला या पदाधिकाऱ्यांसह विद्यापीठातील संघटनेचे सर्व अधिकारी व कर्मचारी मोठ्या संख्येने उपस्थित होते.
