उत्तर महाराष्ट्र विद्यापीठात एक दिवसीय मोडी लिपी प्रशिक्षण कार्यशाळेचे आयोजन

जळगाव : कवयित्री बहिणाबाई चौधरी उत्तर महाराष्ट्र विद्यापीठातील सामाजिकशास्त्र प्रशाळेत दि. १६ फेब्रुवारी रोजी महाराष्ट्र शासनाच्या पुराभिलेख संचालनालयाच्यावतीने एक दिवसीय मोडी लिपी प्रशिक्षण कार्यशाळा घेण्यात येणार आहे.

शासनाच्या पुरातन विभागाचे तज्ज्ञ या कार्यशाळेत मार्गदर्शन करणार आहेत. विद्यार्थी, प्राध्यापक, संशोधक, शासकीय व निमशासकीय अधिकारी-कर्मचारी यांना ही कार्यशाळा उपयुक्त राहणार असून नोंदणी शुल्क रूपये २०० आकारण्यात येणार आहे. इच्छुकांनी डॉ. मनोज इंगोले ( मो. क्र.9623627758) व कुणाल महाजन (7397984672) यांच्याशी संपर्क साधावा असे आवाहन प्रशाळेचे प्रभारी संचालक प्रा. अजय पाटील यांनी केले आहे.