अमरावती विद्यापीठात नेताजी सुभाषचंद्र बोस व बाळासाहेब ठाकरे यांची जयंती उत्साहात साजरी

अमरावती : संत गाडगे बाबा अमरावती विद्यापीठात देशगौरव नेताजी सुभाषचंद्र बोस व शिवसेना पक्षाचे संस्थापक बाळासाहेब ठाकरे यांची जयंती उत्साहात साजरी करण्यात आली. यावेळी कुलगुरू डॉ मिलींद बारहाते यांनी नेताजी सुभाषचंद्र बोस व बाळासाहेब ठाकरे यांच्या प्रतिमेचे पूजन व पुष्पार्पण करुन विद्यापीठाच्यावतीने अभिवादन केले.

जयंती कार्यक्रमाला प्र-कुलगुरू डॉ महेंद्र ढोरे, कुलसचिव डॉ अविनाश असनारे, वित्त व लेखा अधिकारी सी ए पुष्कर देशपांडे, ननसा संचालक डॉ अजय लाड तसेच विद्यापीठातील शिक्षक, अधिकारी व कर्मचारी मोठ्या संख्येने उपस्थित होते. संचालन तसेच नेताजी सुभाषचंद्र बोस व बाळासाहेब ठाकरे यांच्याबद्दल माहिती जनसंपर्क अधिकारी डॉ विलास नांदुरकर यांनी दिली.