मिल्लिया महाविद्यालयात विद्यापीठ वर्धापन दिन उत्साहात साजरा

बीड : येथील मिल्लिया कला, विज्ञान व व्यवस्थापनशास्त्र महाविद्यालयात दिनांक 23 ऑगस्ट 2023, बुधवार रोजी डॉ. बाबासाहेब आंबेडकर मराठवाडा विद्यापीठ, औरंगाबाद चा 65 वा वर्धापनदिन मोठया उत्साहात संपन्न झाला. महाविद्यालयाचे प्राचार्य डॉ. मोहम्मद इलयास फाजील यांच्या शुभहस्ते सकाळी 08:15 वाजता विद्यापीठ ध्वजारोहण करण्यात आले. यावेळी विद्यापीठ गीताचे सादरीकरण करण्यात आले. विद्यापीठ वर्धापन दिनाचे औचित्य साधुन महाविद्यालयचे उपप्राचार्य तथा क्रीडा विभाग प्रमुख डॉ. सय्यद हनीफ यानी आपले विचार व्यक्त केले. या प्रसंगी महाविद्यालयाचे  उपप्राचार्य डॉ. हुसैनी एस. एस.,राष्ट्रीय सेवा योजनेचे कार्यक्रमाधिकारी प्रोफेसर मिर्झा असद बेग, डॉ. शेख रफीक, डॉ. शेख एजाज परवीन पदव्युत्तर विभागाचे संचालक डॉ. फरीद अहमद नेहरी, आयक्यूएसीचे समन्वयक डॉ.अब्दुल अनिस, करिअर कट्टाचे समन्वयक डॉ. मोहम्मद आसेफ इकबाल, राष्ट्रीय सेवा योजनेचे स्वयंसेवक विद्यार्थी- विद्यार्थिनी, सर्व प्राध्यापक वृंद, कर्मचारी वृंद यांची उपस्थिती होती.