एमजीएम विद्यापीठात अभिनेते मकरंद अनासपुरे साधणार विद्यार्थ्यांशी संवाद

छत्रपती संभाजीनगर : महात्मा गांधी मिशन विद्यापीठात ‘राजकारण गेलं मिशीत’ या चित्रपटाच्या प्रदर्शनानिमित्ताने शनिवार, दिनांक २० एप्रिल २०२४ रोजी सकाळी ११ वाजता रुक्मिणी सभागृह येथे सिने अभिनेते मकरंद अनासपुरे हे विद्यार्थ्यांसमवेत संवाद साधणार आहेत.

या कार्यक्रमास विद्यापीठाचे कुलपती अंकुशराव कदम, कुलगुरू डॉ विलास सपकाळ, कुलसचिव डॉ आशिष गाडेकर, अधिष्ठाता डॉ रेखा शेळके, अधिष्ठाता डॉ जॉन चेल्लादुराई व सर्व संबंधित उपस्थित असणार आहेत. या कार्यक्रमास सर्वांना खुला प्रवेश असून समस्त रसिकांनी याचा लाभ घ्यावा, असे आवाहन एमजीएम स्कूल ऑफ फिल्म आर्ट आणि नाट्यशास्त्र विभागाच्या वतीने करण्यात आले आहे.