ऑल इंडिया रेसलिंग गेम्स २०२५–२६ मध्ये गोंडवाना विद्यापीठाला सुवर्ण व रौप्य पदकांची घवघवीत कमाई
गोंडवाना विद्यापीठाच्या शिरपेचात आणखी एक मानाचा तुरा
गडचिरोली |
चंदीगड विद्यापीठ येथे पार पडलेल्या ऑल इंडिया रेसलिंग गेम्स २०२५–२६ या राष्ट्रीय स्तरावरील स्पर्धेत गोंडवाना विद्यापीठ, गडचिरोलीच्या विद्यार्थ्यांनी उत्कृष्ट कामगिरी करत विद्यापीठाचा नावलौकिक वाढवला आहे. देशभरातील नामांकित विद्यापीठांतील कुस्तीपटूंमध्ये झालेल्या चुरशीच्या लढतीत गोंडवाना विद्यापीठाच्या खेळाडूंनी सुवर्ण व रौप्य पदकांची कमाई करत घवघवीत यश संपादन केले.
ही उल्लेखनीय कामगिरी भगवान श्री चक्रधर स्वामी शारीरिक शिक्षण महाविद्यालय, तळोधी (बाळापूर), जिल्हा चंद्रपूर या गोंडवाना विद्यापीठाच्या संलग्नित महाविद्यालयातील विद्यार्थ्यांनी साध्य केली आहे.
खेळाडूंची पदक कामगिरी
- निशांत रुहिल – फ्री स्टाईल कुस्ती, ७४ किलो वजनगट
👉 सुवर्णपदक
(प्रशिक्षक – समुंदर दलाल) - विजय करमबीर – ग्रीको-रोमन कुस्ती, ८२ किलो वजनगट
👉 रौप्यपदक
(प्रशिक्षक – आशिष देवतळे)
यशामागील मार्गदर्शन
या संघाच्या यशामागे संघ व्यवस्थापक डॉ. जंग बहादूर सिंग राठी यांचे प्रभावी नियोजन, शिस्तबद्ध नेतृत्व व सातत्यपूर्ण मार्गदर्शन मोलाचे ठरले. त्यांच्या मार्गदर्शनामुळे खेळाडूंमध्ये आत्मविश्वास निर्माण होऊन त्यांनी राष्ट्रीय पातळीवर उल्लेखनीय कामगिरी केली.
सदर खेळाडूंना गोंडवाना विद्यापीठाच्या क्रीडा विभागाचे पूर्ण सहकार्य लाभले असून क्रीडा संचालक डॉ. अनीता लोखंडे यांचेही मोलाचे मार्गदर्शन लाभले.
विद्यापीठ प्रशासनाकडून अभिनंदन
या यशाबद्दल कुलगुरू डॉ. प्रशांत बोकारे, प्र-कुलगुरू डॉ. श्रीराम कावळे आणि कुलसचिव डॉ. अनिल हिरेखण यांनी खेळाडू, प्रशिक्षक व संघ व्यवस्थापक यांचे मनःपूर्वक अभिनंदन केले.
या घवघवीत यशामुळे गोंडवाना विद्यापीठाची क्रीडा क्षेत्रातील गुणवत्ता व क्षमता पुन्हा एकदा राष्ट्रीय स्तरावर अधोरेखित झाली असून, भविष्यातही विद्यापीठाचे खेळाडू अशीच उज्ज्वल कामगिरी करतील, अशी अपेक्षा व्यक्त करण्यात आली आहे.
