मुक्त विद्यापीठाच्या वार्षिक सत्र शिक्षण क्रमांच्या प्रवेशास १५ नोव्हेंबर पर्यंत प्रवेश मुदतवाढ

नाशिक : यशवंतराव चव्हाण महाराष्ट्र मुक्त विद्यापीठाच्या प्रमाणपत्र, पदविका व पदवी यातील वार्षिक सत्र  शिक्षणक्रमांच्या  सन २०२४ – २०२५ या शैक्षणिक वर्षाच्या ऑनलाईन प्रवेश प्रक्रियेला येत्या दिनांक १५ नोव्हेंबर २०२४ पर्यंत मुदतवाढ देण्यात आलेली आहे. अशी माहीती विद्यापीठाच्या विद्यार्थी सेवा विभागाचे संचालक प्रा प्रकाश देशमुख यांनी दिली.

विद्यापीठाचे सत्र निहाय शिक्षक्रम प्रवेश बंद करण्यात आलेले आहेत. मात्र वार्षिक सत्र शिक्षणक्रम प्रवेशास ही मुदतवाढ देण्यात आलेली आहे. विद्यार्थ्यास ज्या शिक्षणक्रमाला प्रवेश घ्यायचा आहे, त्या विद्यार्थ्यांनी विद्यापीठाची वेबसाईट ycmou.digitaluniversity.ac या संकेतस्थळावरील होमपेजवर जाऊन Admission या टॅबवर Prospectus (माहिती पुस्तिका) 2024-25 या ठिकाणी वार्षिक सत्र शिक्षणक्रमांच्या माहिती पुस्तिका उपलब्ध आहेत. प्रवेश घेऊ इच्छिणाऱ्या विद्यार्थ्यांनी वर नमूद केलेल्या विहित कालावधीत ऑनलाईन पद्धतीने पूर्णपणे व अचूक भरलेला प्रवेश अर्ज आणि प्रवेश घेत असलेल्या वार्षिक सत्र शिक्षणक्रमाचे शुल्कही ऑनलाईन पद्धतीने भरून विद्यार्थ्यास प्रवेश अर्ज सादर करता येईल. विद्यार्थ्यांनी वर दिलेल्या विहित मुदतीत ऑनलाईन प्रवेश अर्ज भरून आपला प्रवेश निश्चित करावा.

प्रवेशाबाबत काही तांत्रिक अडचणी असतील तर खालील क्रमांकावर संपर्क साधावा.

• विद्यापीठाचे हेल्पलाईन नं- (0253)-2230580, 2230106, 2231714, 2231715
• मोबाईल नं – 9307579874, 9307567182, 9272046725

वार्षिक सत्र  शिक्षणक्रमांच्या काही विद्यार्थ्यांना त्यांच्या विविध अडचणींमुळे शिक्षणक्रमास प्रवेश घेता आलेला नसल्यामुळे, अशा विद्यार्थ्यांची गैरसोय टाळण्यासाठी सदर मुदतवाढ करण्यात आलेली आहे, तरी जास्तीत जास्त विद्यार्थ्यांनी वरील मुदतीत प्रवेश घ्यावा असे आवाहन मुक्त विद्यापीठाचे कुलगुरू प्रा संजीव सोनवणे, प्र-कुलगुरू डॉ जोगेंद्रसिंह बिसेन यांनी केले आहे.