उत्तर महाराष्ट्र विद्यापीठात नवीन शैक्षणिक धोरणावर प्राचार्यांची कार्यशाळेचे आयोजन
जळगाव : नवीन शैक्षणिक धोरणाची पदवी स्तरावर अंमलबजावणी येत्या शैक्षणिक सत्रात केली जाणार असून त्याअनुषंगाने कवयित्री बहिणाबाई चौधरी उत्तर महाराष्ट्र विद्यापीठात गुरुवार दि ९ मे रोजी संलग्नित महाविद्यालयांच्या प्राचार्यांची कार्यशाळा आयोजित करण्यात आली. दि ९ मे रोजी विद्यापीठाच्या अधिसभा सभागृहात दिवसभर ही कार्यशाळा होणार असून वाणिज्य व व्यवस्थापन, विज्ञान व तंत्रज्ञान विद्याशाखा, मानव्य व आंतरविद्या शाखा यांची अभ्यासक्रम रचना यावर विविध सत्रांमध्ये चर्चा होणार आहे.
यामध्ये अधिष्ठाता प्रा अनिल डोंगरे, प्राचार्य एस एस राजपूत, प्रा जगदीश पाटील हे सहभागी होणार आहेत. स्वायत्त महाविद्यालयांचे प्राचार्य एस एन भारंबे, प्राचार्य प्रिती अग्रवाल आणि प्राचार्य ए बी जैन हे त्यांचे अनभव सांगणार आहेत. प्रारंभी प्र-कुलगुरू प्रा एस टी इंगळे भूमिका मांडतील. मूल्यांकन आणि मूल्यमापन यावरही चर्चा होईल. दुपारी ०३:३० वाजता कुलगुरु प्रा व्ही एल माहेश्वरी यांच्या उपस्थितीत समारेाप होणार आहे. नवीन शैक्षणिक वर्षात कला, वाणिज्य व विज्ञान महाविद्यालयात पदवीस्तरावर नवीन शैक्षणिक धोरणाची अंमलबजावणी केली जाणार आहे.
