कला व मानव्यविद्या प्रशाळेअंतर्गत संगीत विभागात प्रथम वर्षासाठी प्रवेश सुरु
जळगाव : कवयित्री बहिणाबाई चौधरी उत्तर महाराष्ट्र विद्यापीठातील कला व मानव्यविद्या प्रशाळेअंतर्गत संगीत विभागात शैक्षणिक वर्ष २०२४-२५ साठी पदविका व एम ए गायन, वादन (तबला) तसेच नाट्यशास्त्र या विषयासाठी प्रथम वर्षासाठी प्रवेश देणे सुरु आहेत.
विद्यार्थ्यांच्या सुप्त कलागुणांना वाव मिळून विविध व्यावसायिक संधी या अभ्यासक्रमामुळे मिळू शकतात त्यासाठी विद्यापीठातील कला व मानव्यविद्या प्रशाळेअंतर्गत संगीत विभागात पदविका व पदव्युत्तर एम ए साठी गायन, वादन (तबला) व नाट्यशास्त्र विषयात प्रवेश सुरू असून या अभ्यासक्रमांसाठी इच्छुक विद्यार्थ्यांनी ३१ जुलै, २०२४ पर्यंत प्रवेश घ्यावा असे आवाहन विद्यापीठामार्फत करण्यात आले आहे. अधिक माहितीसाठी डॉ मनोज गुरव (९४२३१४६६१८) व तेजस मराठे (९२२६२५७०५२) अशी माहिती प्रशाळेचे प्रभारी संचालक प्रा राम भावसार यांनी दिली आहे.
