राष्ट्रसंत तुकडोजी महाराज नागपूर विद्यापीठात महिला नेतृत्वावरील विद्याशाखा विकास कार्यक्रमाचे आयोजन
महिला अभ्यास आणि विकास केंद्राचे आयोजन
नागपूर : राष्ट्रसंत तुकडोजी महाराज नागपूर विद्यापीठात महिला नेतृत्वावरील विद्याशाखा विकास कार्यक्रमाचे आयोजन करण्यात आले आहे. महाराष्ट्र स्टेट फॅकल्टी डेव्हलपमेंट ॲकॅडमी (MSFDA) पुणे आणि विद्यापीठाच्या महिला अभ्यास विकास केंद्राच्या वतीने हा कार्यक्रम होणार आहे.
विद्यापीठ महिला अभ्यास आणि विकास केंद्र प्रभारी संचालक डॉ. मंगला हिरवाडे ह्या या कार्यक्रमाच्या समन्वयक आहेत. विद्याशाखा विकास कार्यक्रमात महिला अभ्यास दृष्टीकोन, महिला आणि शैक्षणिक नेतृत्व, महिला आणि प्रशासन, महिला आणि संशोधन आणि महिला आणि वैयक्तिक आणि व्यावसायिक भूमिका अश्या पाच मॉड्यूल्सवर कार्यक्रमाचे आयोजन करण्यात आले आहे. डॉ संपदा नासेरी ह्या महिलांच्या अभ्यासाच्या दृष्टिकोनावर सत्र आयोजित करतील; डॉ मृणालिनी फडणवीस ह्या महिला आणि शैक्षणिक नेतृत्व हाताळतील; जळगावच्या डॉ. वैशाली पाटील ह्या महिला आणि शासन या विषयावर बोलणार आहे. डॉ. रेखा शर्मा ह्या महिला आणि संशोधन या विषयावर मार्गदर्शन करणार असून डॉ मीना काळे ह्या महिलांची वैयक्तिक आणि व्यावसायिक भूमिका या विषयावर बोलणार आहेत.
कार्यक्रमाचा मुख्य फोकस समाजातील रोल मॉडेल्ससह सहभागींचा संवाद राहणार आहे. प्रशासन, आरोग्य आणि बचत गटातील महिला नेत्या सहभागींशी संवाद साधणार आहेत. रोल मॉडेल उदा. डॉ. विजयलक्ष्मी बिदरी, श्रीमती श्रीवाली देशपांडे, डॉ. सुषमा देशमुख आणि सौ. शुभदा देशमुख त्यांच्या शैक्षणिक आणि प्रशासकीय प्रवासाबद्दल सहभागींशी संवाद साधणार आहेत.
किमान तीन वर्षांचा अध्यापनाचा अनुभव असलेल्या कोणत्याही शाखेतील उच्च शिक्षणाच्या सर्व महिला प्राध्यापक विद्याशाखा विकास कार्यक्रमामध्ये सामील होऊ शकतात. कार्यक्रमात केवळ ३० सहभागींना प्रवेश मिळणार असून नोंदणी शुल्क १००० रुपये आहे. यात निवास आणि भोजनाचा समावेश राहणार आहे. विद्याशाखा विकास कार्यक्रम करिअर ॲडव्हान्समेंट (CAS) साठी देखील लागू आहे. इच्छुक शिक्षक http://tinyurl.com/women-lead या लिंकद्वारे नोंदणी करू शकतात किंवा मिथिलेश भाकरे: 8554845384 (MSFDA), तोशिता तांडेल: 9324112370 (MSFDA), कांचन भोसले: 9702779658 (MSFDA: डॉ. मंगला हिरवाडे 9702779658 (MSFDA) यांच्याशी संपर्क साधू शकतात.
